സിനിമാഗാനങ്ങൾ

കാർത്തികയിലെ-

പാവാടപ്രായത്തിൽ നിന്നെ ഞാൻ കണ്ടപ്പോൾ
താമരമൊട്ടായിരുന്നു നീ–ഒരു താമര…
ധാവണിപ്രായത്തിൽ പാതി വിടർന്ന നീ
പൂഞ്ചോലപ്പരുവത്തിൽ പൂവായി
തേനുള്ളിൽ തുളുമ്പുന്ന പൂവായി– പാവാ….

നീയാകും ഗാനത്തെ എന്തെല്ലാം രാഗത്തിൽ
പാടുന്നു പ്രകൃതീദേവീ (2)
നീയാകും ചിത്രത്തെ എന്തെല്ലാം വർണ്ണത്തിൽ
എഴുതുന്നു വിശ്വൈകശില്പി– പാവാട….

പരിണാമചക്രം തിരിയുമ്പോൾ നീയിനി
പത്നിയായ്, അമ്മയായ്, അമ്മൂമ്മയായ് മാറും– മാറും– പരി….
മണ്ണിലൊടുവിൽ നീ മണ്ണായ് മറഞ്ഞാലും– മണ്ണി….
മറയില്ല പാരിൽ നിൻ പാവനസ്നേഹം– പാവാട….

ഈ ഗാനം ജീവിതപരിണാമങ്ങളെക്കൂടി ചിത്രീകരിക്കുന്നു.